Байгаль орчин
ЦЭЦЭРЛЭГИЙН ЖИШИГ ЭКО СУРГАЛТЫН ОРЧНЫ ТАНИЛЦУУЛГА, ТУРШЛАГА СОЛИЛЦОХ ӨДӨРЛӨГ БОЛЛОО

Сургуулийн өмнөх боловсролоор дамжуулан хүүхэд багачуудад юмс үзэгдлийн ойлголт болон байгаль орчныг хамгаалах зөв хандлагыг төлөвшүүлэх нь чухал нөлөөтэй. Учир нь хүүхэд 3-5 насандаа амьдралын туршид авах мэдээллийнхээ 70 хүртэлх хувийг авч төлөвшдөг гэсэн судалгаа байдаг боловч сургуулийн өмнөх боловсролын хөтөлбөрт хүрээлэн буй орчны танин мэдэхүйн сургалтын хичээлийн хэрэглэгдэхүүн, орчин нөхцлүүд цэцэрлэг бүрд харилцан адилгүй хангалттай бус байдаг. Иймд Нийслэлийн Байгаль орчны газраас Дэлхийн Байгаль хамгаалах сангийн дэмжлэгтэйгээр нийслэлийн Баянгол дүүргийн 242 дугаар цэцэрлэгийн зай талбай, сургалтын стандартад нийцүүлэн тохижуулсан орчинд хүүхдүүд шувуу, загас, гэрийн тэжээмэл амьтдыг хооллох, судлах, тасалгааны ногоон ургамал, цэцэг тарих, гадна талбайд өөрийн гараар туршиж үзэх боломжтой нэг бүлгийн бүх хүүхдэд хүрэлцэхүйц багаж хэрэгсэл, материалуудыг бэлтгэн бүрдүүлсэн эко танин мэдэхүйн жишиг буланг 7 дугаар сард хүлээлгэн өгсөн. Өнгөрсөн хугацаанд тус цэцэрлэгээс эко танин мэдэхүйн булангаа хэрхэн хөгжүүлж өргөтгөж ашиглаж байгаа, сургалтын орчны ахиц дэвшил, хүүхдийн хандлага төлөвшилд үзүүлэх нөлөөллийн ач холбогдол зэргийг ойлгуулан таниулах зорилгоор нийслэлийн бусад цэцэрлэгүүдэд танилцуулах, харилцан туршлага солилцох өдөрлөг арга хэмжээг зохион байгуулав.

 0 222 2018-11-21
ӨНӨӨДӨР “ДЭЛХИЙН ЖОРЛОНГИЙН ӨДӨР”

Сингапурын бизнес эрхлэгч Жак Сим нь 1998 онд ариун цэврийн байгууламжийн стандартыг тогтоох зорилгоор “Сингапурын Ариун Цэврийн Өрөөний Холбоо”-г үүсгэн байгуулсан бөгөөд улс орнуудын ариун цэврийн байгууламжийн нөхцөлийг сайжруулахаар 2001 оны 11 сарын 19-нд ашгийн бус “Дэлхийн Жорлонгийн Байгууллага”-ыг бүртгүүлжээ. Түүнээс хойш 12 жилийн дараа буюу 2013 онд боломжит шийдлүүдийг бий болгож бүх нийтийг шаардлага хангасан ариун цэврийн байгууламжаар хангах, сургалт сурталчилгааны ажлыг зохион байгуулахад чиглэсэн үйл ажиллагааг эрчимжүүлэх зорилгоор НҮБ-аас жил бүрийн 11 сарын 19-нийг албан ёсоор “Дэлхийн Жорлонгийн Өдөр” болгон тэмдэглэн өнгөрүүлэхээр шийдвэрлэсэн.

 0 199 2018-11-19
ЦАГ АГААРЫН УРЬДЧИЛСАН МЭДЭЭ

Цаг уур, орчны шинжилгээний газраас ирүүлсэн цаг агаарын урьдчилсан мэдээг хүргэж байна.

 0 115 2018-11-15
Богдхан ууланд зэрлэгшсэн нохойн устгал ажлын өдрүүдэд явагдана

Богдхан ууланд сүрэглэн явдаг зэрлэгшсэн ноход элбэгшин гөрөөс, туулай, тарвага зэрэг амьтад барьж, ууланд аялж буй иргэд рүү дайрах явдал гарч байгаатай холбогдуулан өнгөрсөн жил явагдсан устгалын ажлыг энэ жил үргэлжлүүлэн хийхээр боллоо. Байгаль хамгаалагчдын явуулсан судалгаагаар Богдхан ууланд 73 зэрлэгшсэн нохой тоологдсон байна. 11-р сарын 19-нөөс эхлэн нэг сарын хугацаанд ажлын өдрүүдэд явагдах устгалын ажилтай холбогдуулан иргэдийг тохижуулсан буюу зөвшөөрсөн замаас өөр чиглэлээр явахгүй байхыг анхааруулж байна.

 0 168 2018-11-15
УЛААНБААТАР ХОТЫН ХӨРСНИЙ ХҮНД МЕТАЛЛЫН БОХИРДЛЫГ БУУРУУЛАХ СУДАЛГААНЫ ҮР ДҮНГ ТАНИЛЦУУЛЖ, ХЭЛЭЛЦҮҮЛЭГ ЗОХИОН БАЙГУУЛЛАА

Нийслэлийн Байгаль орчны газрын захиалгаар “Хүнд металлаар бохирдсон хөрсийг саармагжуулах арга зүй, технологийг зонхилох бохирдуулагч тус бүрээр боловсруулж нэвтрүүлэх” судалгааны ажлыг “Байгаль орчин, аюулгүй байдлын төв” ТББ хийж гүйцэтгэсэн ба судалгааны үр дүнг холбогдох байгууллагуудад танилцуулж, хэлэлцүүлэг зохион байгууллаа. Тус судалгаагаар “Улаабаатар хотын хэмжээнд хүнд металлын хамгийн их бохирдолтой хөрс Хан-Уул дүүргийн Арьс ширний үйлдвэр орчимд байгаа ба зонхилох бохирдуулагч нь 3 валенттай хром хортой хэмжээнд, 6 валенттай хром хүлцэх хэмжээнээс бага зэрэг давсан, хар тугалга, цайр, зэс зэрэг металлууд хүлцэх хэмээнд байна” гэж дүгнэсэн байна. Хөрсний хүнд металл, хромын бохирдлыг бууруулах, бохирдсон хөрсийг саармагжуулж, цэвэршүүлэхэд хэрэгжүүлж болох арга зүйг боловсруулж зөвлөмж гаргасан.

 0 286 2018-11-12