Байгаль орчин
“Хөрсний бохирдлыг бууруулах шийдэл” сэдвээр уралдаан зарлаж байна

Хөрсний доройтол, бохирдлын асуудалд олон нийтийн анхаарлыг хандуулах түүнээс үүдэн гарах эрүүл мэнд, байгаль орчны тулгамдсан асуудлуудыг шийдвэрлэхэд иргэдийн оролцоог нэмэгдүүлэх зорилгоор “Хөрсний бохирдлыг бууруулах шийдэл” төсөл, бүтээлийн уралдаан, “Хөрс ба амьдрал” гэрэл зургийн уралдааныг 2019 оны 5 дугаар сарын 15-наас 6 дугаар сарын 15-ны хооронд зарлаж байна. Уралдаанд шалгарсан бүтээлүүд нь Нийслэлийн хөрсний бохирдлыг бууруулах шийдэлд хувь нэмрээ оруулах юм.

 0 112 2019-05-17
ГЭР ХОРООЛОЛД 1000 МОНОС ЦЭЦЭГЛЭНЭ

Нийслэлийн ИТХ-ын төлөөлөгч бөгөөд нийслэлийн Засаг даргын орлогч, Агаар, орчны бохирдлын асуудал хариуцсан төслүүдийн удирдагч Д.Мөнхжаргал уламжлалт ёс заншлаа дээдлэн өвлүүлэх зорилгоор байгаль дэлхийгээ хайрладаг, авьяас чадвараа хөгжүүлэн, сурч боловсрох эрмэлзлэлтэй, бүтээлч, хариуцлагатай, уужуу холч ухаантай, өгөөмөр зочломтгой, үнэнч шударга иргэдийг төлөвшүүлэхээр "Монгол хүн" хүмүүжлийн аяныг 2017 оноос хэрэгжүүлж эхэлсэн билээ. Энэ хүрээнд ном унших соёлыг түгээн дэлгэрүүлэхээс авахуулаад цөөнгүй ажлыг санаачлан, хэрэгжүүлж буй.

 0 96 2019-05-11
МАРГААШ БҮХ НИЙТЭЭРЭЭ МОД ТАРИНА

Монгол Улсын Ойн тухай хуулийн 31 дүгээр зүйл, Ерөнхийлөгчийн 2010 оны 63 дугаар зарлигийн дагуу жил бүр “Бүх нийтээр мод тарих үндэсний өдөр”-ийг улсын хэмжээнд зохион байгуулж, нийслэл хотод 2010-2018 онуудад 2.2 сая ширхэг модыг тарьж суулгасан байдаг. Мод тарих үндэсний өдрийг угтан “Тарьц, суулгац-2019” үзэсгэлэн худалдааг Тусгаар тогтнолын талбайд 4-р сарын 28-аас 5-р сарын 14-ний өдрүүдэд Байгаль орчин, аялал жуулчлалын яам, Нийслэлийн Байгаль орчны газар хамтран зохион байгуулж байгаа ба дүүрэг тус бүрт тарьц, суулгацын худалдааг зохион байгуулж байна. Хаврын мод тарих нэгдсэн арга хэмжээ нь Үндэсний Соёл амралтын хүрээлэн болон Сонгинохайрхан дүүргийн 21-р хорооны Жаргалант тосгоны нутаг дэвсгэр дэх “Мөрөөдлийн ой” төслийн талбай, дүүргүүдээс зохион байгуулалттай талбайд тус тус зохион байгуулагдана.

 0 86 2019-05-10
“СУРГУУЛИЙН ОРЧИНДОО МОД ТАРЬЦГААЯ-2019” ҮЙЛ АЖИЛЛАГААНЫ НЭЭЛТ БОЛЛОО

Монгол Улсын Ойн тухай хуулийн 31 дүгээр зүйл, Ерөнхийлөгчийн 2010 оны 63 дугаар зарлигийн дагуу жил бүр зохион байгуулдаг “Бүх нийтээр мод тарих өдөр”-ийг угтан БОАЖ-ын сайд Н.Цэрэнбатын санаачилгаар байгаль орчны салбарт хэрэгжиж байгаа “Хандлагаа Өөрчилье” багц ажил болон “Ногоон Паспорт” аяны хүрээнд “СУРГУУЛИЙН ОРЧИНДОО МОД ТАРЬЦГААЯ-2019” үйл ажиллагааг зохион байгуулж байна. Энэ хүрээнд 10.000 нарс модны суулгацыг Ерөнхий боловсролын 100 сургуульд үнэ төлбөргүй өгч сурагчид болон багш, эцэг эх нарыг “Бүх нийтээр мод тарих өдөр”-т идэвхтэй оролцоход уриалж байна.

 0 87 2019-05-10
НИЙТИЙН СОНСГОЛ ЗОХИОН БАЙГУУЛАХ ТУХАЙ

Баянзүрх дүүргийн 20 дугаар хорооны нутаг дэвсгэр Гачуурт голын хөндийн Бага Шар хоолойн Бэрх төгөл орчмын 103 га, Гурван модны булаг, Доод төгөл орчмын 81 га, Дээндийн нурууны 6130 га газрыг орон нутгийн хамгаалалтад авахын өмнө тухайн нутаг дэвсгэрт оршин суудаг ашиг сонирхол нь хөндөгдөж болзошгүй иргэн, аж ахуй нэгж байгууллагад сонсгол явуулах тул оролцох сонирхолтой иргэдийг 2019 оны 05 дугаар сарын 24-ний өдрийн 10 цагт БЗД-ийн 20 дугаар хороо, Шар хоолойн ам Геоэкологийн хүрээлэнгийн Мод үржүүлгийн төвд хүрэлцэн ирэхийг урьж байна.

 0 73 2019-05-09