НОГООН БҮСЭЭС МАЛЫГ НҮҮЛГЭН ШИЛЖҮҮЛЛЭЭ
Малын гоц халдварт өвчин болох шүлхий өвчний үүсгэгчийг 1898 онд анх удаа Ф. Лефлер, П.Фрош нар нээсэн бөгөөд шинжлэх ухаанд мал амьтанд өвчин үүсгэгч вирусүүдийн дотроос хамгийн анх нээгдсэн вирус болжээ. Шүлхийн вирүс нь хэмжээгээрээ хамгийн жижигт тооцогдох боловч мал амьтны эрүүл мэнд, улс орны эдийн засагт ихээхэн хохирол учруулдаг. Энэхүү вирус нь амьд мал, амьтан болон амьтны гаралтай бүх төрлийн бүтээгдэхүүнээр дамжин халдвар тараадаг бичил биетэн юм. Шүлхий нь олон улсын мал амьтны халдварт өвчний “А” ангилалд багтдаг бөгөөд маш богино хугацаанд олон төрлийн мал, амьтанг хамран сум, аймаг, улс, тив, дэлхийд дамжин тархах аюултай хорио цээрт өвчин юм.