Ерөнхий боловсролын сургуулиудад экологийн боловсрол олгох сургалт хийж байна


Жил бүрийн 4 дүгээр сарын 22-ны өдөр тохиодог “Эх дэлхийн өдөр”-ийн хүрээнд нийслэлийн Байгаль орчны газраас ерөнхий боловсролын 8 сургуулийн сурагчдад экологийн боловсрол олгох, байгаль дэлхийгээ хайрлан хамгаалах зөв хандлагыг төлөвшүүлэх цуврал сургалтыг явуулж эхлээд байна.

Улс орон хөгжихийн хирээр байгалийн унаган төрх алдагдаж, хүрээлэн буй орчин, эко системд сөрөг нөлөө үзүүлсээр байгаа энэ үед сургалтаар дамжуулан байгаль орчноо хайрлан хамгаалах сэтгэлгээтэй, байгальд хайртай иргэн болгон төлөвшүүлж, мэдлэг олгох нь өндөр ач холбогдолтой.

Цуврал сургалтад ерөнхий боловсролын сургуулийн 4-6-р ангийн сурагчид хамрагдаж байгаа бөгөөд сургалтын төгсгөлд мэдлэг бататгах зорилготой “Би байгальд хайртай”  сэдвээр зохион бичлэгийн уралдаан зарлаж, хүүхэд бүрийн оролцоог ханган ажиллах юм.

Одоогоор СХД-ийн ерөнхий боловсролын 67 дугаар дунд сургуульд “Уур амьсгалын өөрчлөлт” сэдвээр, ХУД-ийн 130 дугаар бага сургуульд “Модны ач тус”, “Орчны бохирдлоос хэрхэн сэргийлэх вэ?” зэрэг сэдвээр сургалт явагдаад байна.

 

 

- share

Сэтгэгдэл (0)